15. Батлан даалт
Батлан даалт гэдэг нь нэг хэрэглэгч өөрийн баталгаа хөрөнгөөрөө өөр хэрэглэгчийг дэмжиж, тухайн хэрэглэгчид Мөнгөний зах дээрээс мөнгө авах боломж олгох үйлдэл юм.
Өөрөөр хэлбэл:
- Батлан даагч нь өөрийн баталгаа дээр үндэслэн өөр хэрэглэгчийг дэмжинэ
- Батлан даалгуулагч нь өөрт олгогдсон батлан даалтыг ашиглан Нийлүүлэлт-ээс мөнгө авах боломжтой
Батлан даалт нь Баталгаа-наас тусдаа ойлголт юм.
| Ойлголт | Тайлбар |
|---|---|
| Баталгаа | Та өөрийн хөрөнгөөр өөрийгөө баталгаажуулах |
| Батлан даалт | Өөр хэрэглэгч таныг дэмжих, эсвэл та өөр хэрэглэгчийг дэмжих |
15.1 Батлан даалтын үндсэн цэс
Батлан даалт хэсэгт хоёр цэс байна:
| Цэс | Тайлбар |
|---|---|
| Бусдад өгөх | Та өөр хэрэглэгчид батлан даалт гаргаж өгсөн хэсэг |
| Бусдаас авах | Өөр хэрэглэгч танд батлан даалт гаргаж өгсөн хэсэг |
15.2 Батлан даалт өгөх
Бусдад өгөх хэсэг нь та өөр хэрэглэгчид батлан даалт гаргаж өгөхтэй холбоотой.
Та өөрийн баталгаа хөрөнгө дээр үндэслэн өөр хэрэглэгчийг дэмжиж болно. Ингэснээр тухайн хэрэглэгч таны гаргаж өгсөн батлан даалтыг ашиглан Нийлүүлэлт хэсгээс мөнгө авах боломжтой болно.
Батлан даалт өгөхдөө:
- Батлан даалт хэсэг рүү орно.
- Бусдад өгөх цэсийг сонгоно.
- Батлан даалт гаргаж өгөх хэрэглэгч болон дүнг сонгоно.
- Хугацаа, хөлс, нөхцөлийг шалгана.
- Баталгаажуулж батлан даалтаа гаргана.
15.3 Батлан даалт авах
Бусдаас авах хэсэгт танд бусад хэрэглэгчээс өгсөн батлан даалтууд харагдана.
Карт дээр дараах мэдээлэл байна:
| Мэдээлэл | Тайлбар |
|---|---|
| Батлан даагч | Батлан даалт гаргаж өгсөн хэрэглэгч |
| Нийт дүн | Танд олгосон батлан даалтын хэмжээ |
| Үлдэгдэл | Ашиглаж болох үлдэгдэл |
| Төлөв | Идэвхтэй эсэх |
| Дуусах хугацаа | Батлан даалт хүчинтэй байх огноо |
| Хөлс | Батлан даалт ашигласны шимтгэл |
| Ашиглах | Батлан даалтыг ашиглах үйлдэл |
15.4 Батлан даалт ашиглан мөнгө авах
Батлан даалтаа ашиглан мөнгө авахдаа:
- Батлан даалт хэсэг рүү орно.
- Бусдаас авах цэсийг сонгоно.
- Ашиглах батлан даалтын картаа нээнэ.
- Ашиглах товчийг дарна.
- Системийн зааврыг дагана.
- Мөнгөний зах руу орно.
- Нийлүүлэлт цэсийг сонгоно.
- Өөрт тохирох саналыг сонгоно.
- Батлан даалтаа ашиглан мөнгө авах үйлдлээ үргэлжлүүлнэ.
Анхаарах зүйл:
- Та зөвхөн өөрт олгогдсон батлан даалтыг ашиглана.
- Бусдын батлан даалтыг ашиглах боломжгүй.
15.5 Нийлүүлэлт хоосон байвал
Хэрэв Мөнгөний зах → Нийлүүлэлт хэсэг хоосон байвал одоогоор шууд мөнгө авах боломжтой санал байхгүй гэсэн үг.
Энэ тохиолдолд:
- Шинэ нийлүүлэлт гарч ирэхийг хүлээх
- Эсвэл өөрийн Эрэлт үүсгэх